Þessi Frétt er uppfull af ranghugmyndum!

Vísindalegar staðreyndir eru ekki ranghugmyndir!

1. Undir myndinni stendur; "Marijúanareykingar eru mjög ávanabindandi"
 Þetta er ekki rétt.
Raunverulegar, vísindalega ransóknir á kannabisefnum þar sem það er borið saman við ýmis fíkniefni, þar á meðal kaffi, sýna að það er ekki "mjög" ávanabindandi. Það getur reynst ávanabindandi fyrir þá sem eru í mikilli daglegri neyslu og er ávaninn þá að meirihluta sálrænn en ekki líkamlegur.

Vísindalegar staðreyndir eru ekki ranghugmyndir!

Það er ekki hægt að kalla það fræðslu ef að þú lýgur!

2. "Maríta-samtökin standa fyrir fræðslu í grunnskólum um skaðsemi fíkniefna"
 Kanski hef ég rangt fyrir mér, kanski byggir sjálf fræðsla Maríta samtakana á vísindalegum staðreyndum, en ég fór og skoðaði vefsíðuna þeirra og fann hvergi hlekki á vísindalegar ransóknir né "fræðslu" eins og þeir setja hana fram.
 Ég veit hinsvegar þetta. Yfirgnæfandi meirihluti þeirrar fíkniefnafræðslu sem ég hef lesið sem er ætluð til handa börnum hefur almennt verið uppfull af áróðri og lygum. Það er hræðsla, ekki fræðsla. 
 Ef við viljum fræða börnin okkar þá gerum við það með staðreyndum og sannleik, ekki óstaðfestum sögusögnum einstakra einstaklinga eða áróðri eða lygum! Börn eru allmennt ekki heilalaus! Þegar þau skoða það sem þeim hefur verið sagt og sjá að vísindin, sannleikurinn og staðreyndirnar eru annað þá hætta þau að treysta öllu þvi sem við höfum sagt þeim um skild málefni. 
 Ef við ljúgum um kannabis þá treysta börnin okkar ekki því sem við segjum þeim um áfengi, heróín, amfetamín, e-pilluna og fleira, og það sama gildir í hina áttina. 

Það er ekki hægt að kalla það fræðslu ef að þú lýgur!

Eitt er ó-satt og hitt er lygi!

3. „Þau heyra að marijúana sé notað í lækningaskyni og sjá marijúana reykt í þáttum á borð við How I Met Your Mother.“
 Það sem er satt er að kannabis ER notað í lækningaskyni og hefur það reynst vel það. Magnús frá Marítas kemur með þessa setningu í samhengi við þá staðhæfingu að börn fái "rangar upplýsingar" um kannabisefni úr ýmsum áttum.
 Málið er bara það að kannabis er notað til lækninga, og það hjálpar! Það er gefið til fólks með alnæmi og með krabbamein, og það hjálpar. Þetta eru ekki rangar upplýsingar, þetta er sannleikur. Með því að gefa í skyn að sannleikurinn sé lygi þá ert þú að gefa rangar upplýsingar!
 Í öðru lagi...
Það er ekki hægt að sjá kannabis reykt í How I Met Your Mother!
Það er ekki í þessum þáttum!
Það er sub-rosa!
Það sem hægt er að sjá er fólk að borða samlokur og flissa, þar sem samlokan er líkindamál fyrir kannabisefni, sem maður fattar ekki nema maður þekki til kannabisefna til að byrja með.
Þar af leiðandi er þetta bara hrein lygi!
Öllu setningin! 

Eitt er ó-satt og hitt er lygi!

Fíkniefnasalar myndu ekki geta haldið áfram sínum viðskiptum með kannabis ef það væri gert löglegt!

4. "Umræða um lögleiðingu kannabisefna hjálpi heldur ekki til og fíkniefnasalar treysti á þessa jákvæðu umfjöllun um efnin."
 Þeir sem græða mest á því að kannabisefni séu ólögleg eru þeir sem selja þau ólöglega.
Þetta er vegna þess að þeir þurfa ekki að spyrja um skilríki.
Þetta er vegna þess að þeir þurfa ekki að fylgja reglum um innihald né gæði framleiðslu.
Þetta er vegna þess að þeir þurfa ekki að borga skatta af starfsemi sinni.
Þetta er vegna þess að þeir geta þrýst á neytendann til að kaupa eitthvað annað og meira og þannig aukið tekjur sínar með því að búa til fíkil.
 Börn geta ekki keypt áfengi í flestum tilvikum þar sem það þarf að sýna skilríki til að sanna að maður hafi aldur til þess að löglega meiga kaupa áfengi. Ef kannabisefni væru gerð lögleg þyrfti slíkt hið sama. 
 Kannabisneytandi getur ekki treyst því til fullustu að það sem hann kaupir er það sem hann vill kaupa þar sem enginn gæðastimpill né innihaldslýsing er á vörunni.
 Skatt-tekjur sem við eyðum í þá tilgangslausu baráttu til að uppræta fíkniefnasölu gæti farið til þess að borga fræðslu og meðferðarúrræði, meðan skatt-tekjur af lögleiðingu kannabis gæti farið í það að styrkja skóla og sjúkrahús til muna. Til dæmis. 
 Með lögleiðingu gæti manneskja fengið það sem hún vill án þess að verða fyrir þrýstingi frá sölumanni að kaupa eitthvað meira, verra, meira ávanabindandi, hættulegra, og slíkt.
 Þetta er allt ástæður þess sem að fíkniefnasalinn vill EKKI að varan hanns sé lögleidd! Hann myndi tapa á því, ekki græða! 

Fíkniefnasalar myndu ekki geta haldið áfram sínum viðskiptum með kannabis ef það væri gert löglegt!

Tölfræðilegar lygar!
Vísindalegar staðreyndir eru ekki ranghugmyndir!

5. "kannabisfíkn var helsta vímuefnafíkn 48% ungmenna undir tvítugu, sem innrituð voru á Vog árið 2009"
 Þegar þessi frétt var birt var það nefnt einhversstaða í lítilli setningu að langflestir þeirra sem komu inn á Vog og vor "kannabisfíklar" höfðu einnig verið í annari neyslu, til dæmis amfetamínneyslu. 
 Vísindalega staðreyndin er sú að kannabis er EKKI líkamlega ávanabindandi. Þetta gerir það nokkuð erfitt að halda því fram að einhver geti verið kannabisfíkill án þess að vera að ljúga, en þar sem að meirihluti þeirra sem nota harðari efni nota einnig kannabis þá leyfir Vogur sér það að halda því fram að það séu kannabisefnin sam hafi sent fólk inn á Vog, en ekki harðari efnin sem eru líkamlega ávanabindandi. 
 Það er til að fólk myndi sálræna fíkn og er sú fíkn alveg jafn alvarleg og líkamleg, og getur sá sem hættir að neyta þess sem hann hefur myndað sálræna fíkn við fundið fyrir svefnleysi eða sálrænum fráhvarfseinkennum af ýmsu tagi, en það er ekki vegna þess að efnið sjálft sé ávanabindandi, heldur vegna sálfræðilegra ástæða. 

Tölfræðilegar lygar!
Vísindalegar staðreyndir eru ekki ranghugmyndir!

Ég við sjá fræðslu sem og vímuefnastefnu sem byggir á vísindalegum sem og félagsfræðilegum staðreyndum!
Ekki áróður, ranghugmyndir og lygar!

Ranghugmyndir aukast

Athugasemdir

[Haukur Már Hauksson (IP-tala skráð) 15.3.2011 kl. 14:22]

Takk fyrir flottan póst!

[Tinna Gunnarsdóttir Gígja, 15.3.2011 kl. 14:28]

Kannabisfíklar eru oft sprautufíklar

 

75% kannabisfíkla sem koma á Vog eru einnig örvandi vímuefnafíklar. Næstum þriðjungur kannabisfíkla á Vogi hafa sprautað sig í æð. 16,6% var kominn með lifrabólgu C. Kannbisfíkn er ekki eitthvað sætt og skemmtilegt upp úr bíómynd frá Hollywood.

 

 http://www.saa.is/islenski-vefurinn/felagsstarf/pistlar/nr/93196/

Hvernig er hægt að ætlast til þess að maður taki mark á SÁÁ

[Sveinn Ríkarður Jóelsson, 15.3.2011 kl. 14:28]

Flott ég er leiður á lygum.

Ég skil að þær renna undan rifjum óttasleginna manneskja sem vilja vel, en þær eru samt verri en sannleikurinn.

[Páll Þorsteinsson, 15.3.2011 kl. 14:44]

Þessar tölur frá SÁÁ eru bull.

Í Hollandi nota 0,16% af kannabisneytendum heróin. Samkvæmt tölum frá Hollenska dómsmálaráðuneytinu.

[Palli (IP-tala skráð) 15.3.2011 kl. 15:37]

vel mælt hjá þér bróðir...

[Brútus (IP-tala skráð) 15.3.2011 kl. 15:48]

Þetta er frábær grein hjá þér.

Þessum litla pistil í Morgunblaðinu tókst að gera eitt fyrir mig og það var að koma mér í vont skap.

Það að 48% af þeim sem sækja Vog séu kannabisfíkla lítur væntanlega illa út á blaði, en sé kafað dýpra er, eins og þú nefndir, lang flestir að neyta annarra fíkniefna. 

Svo getið þið séð í heimildarmyndinni "The Union" þar sem farið er ýtarlega í þessi mál sem tengjast fíkninni að þar kemur í ljós að langtum flestir eða 97% þeirra sem þurfa að sækja meðferðar gegn kannabisefnum eru sendir þangað óviljugir, þar sem þeim var boðið fangelsisvist eða meðferð. Svo lítur út eins og að flestir sæki um meðferð gegn kannabis og þetta eru tölur sem eru notaðar til að hræða almenning. Ég er viss um að útaf fáfræði almennings á Íslandi gagnvart kannabis séu margir sendir á Vog óviljugir útaf því að forráðamenn vita bara ekki betur.

Svo ég tali nú ekki um að það er ekki til skráð tilfelli þar sem maður dó beinlínis af völdum kannabis, ekkert krabbameinstilfelli einu sinni. Samt vill ríkisstjórnin að við reykjum krabbameinsstangirnar okkar góðu. Þetta er bara hræsni! Þetta ætti auðvitað að vera val okkar, við sem lifum á 21. öldinni ættum að vita betur!

[Arnór M. Luckas (IP-tala skráð) 15.3.2011 kl. 18:26]

Ég er allavega ekki að fara að kaupa áskrift hjá mbl á næstunni.

[Hörður Þórðarson, 16.3.2011 kl. 06:17]

"Vísindalegar staðreyndir eru ekki ranghugmyndir!"

Allar svokallaðar vísindalegar staðreyndir eru í eðli sínu ranghugmyndir. Sannleikanum verður aldrei fullkomlega lýst með orðum. Vísindi eru einfaldlega ganglegar lygar sem hjálpa okkur að takast á við heiminn. Þeir sem tala um vísindalegar staðreyndir og vísindalegar sannanir skilja ekki vísindi.

"ávaninn þá að meirihluta sálrænn en ekki líkamlegur"

Gefðu mér þessa sál og ég skal lækna ávanann. Hægara sagt en gert... Auðveldara er að takast á við líkamann. Hann er að minnsta kosti hægt að sjá, að því er virðist að minnsta kosti...

[Rúnar Þór Þórarinsson, 16.3.2011 kl. 08:43]

Svolítið æsilega skrifaður bloggur, en fullur af góðu stöffi.

Umræðan er á svakalegum villigötum. Ég er t.d. viss um að 100% þeirra sem reykja kannabis reykja líka sígarettur, drekka kaffi og áfengi. Bönnum við það þá allt? Þetta er bara ekki leiðin til að meðhöndla þetta.

Enginn hefur áhuga á að styrkja glæpamenn og þá sem selja hörð fíkniefni sem fólk sprautar sig t.d. með, kókaín eða annað slíkt, nema þá helst starfsfólk á Vogi.

Hah, og ef út í það er farið, hver hefur ekki heyrt sögur af því að fólk komi út af Vogi í harðri neyslu eftir að hafa farið þangað inn út af því sem næst engu? Ég þekki til tveggja tilfella.

[Páll (IP-tala skráð) 16.3.2011 kl. 10:18]

Þvílíka ruglið í þér, fullt af fólki sem reykir ekki sígarettur né drekkur kaffi og reykir cannabis. eg nota áfengi orðið voða sjaldan, það er einfaldlega ekki svo mikill verðmunur á þessu : ), greinilegt að það eru eintómir hálfvitar að vinna hjá "mbl".....

[Brútus (IP-tala skráð) 16.3.2011 kl. 15:33]

"Ég er t.d. viss um að 100% þeirra sem reykja kannabis reykja líka sígarettur, drekka kaffi og áfengi."

Ég drekk í mjög miklu hófi og reyki aldrei sígarettur. Hér með eru 100% þín afsönnuð.